Wala raw kasintahan ngayon si Jake Ejercito. Bukod sa trabaho ay ang pagiging ama sa anak nila ni Andi Eigenmann na si Ellie ang pinagtutuunan ng panahon ng aktor. “Kung naghahanap ba ako? As of now, no. My priority is daughter and my work. With work pa lang and being a father, medyo mahirap na to manage my time lately. I am still trying to get used to it. Of course, being a dad is a full-time job but luckily, given our setup, I have a great co-parent with Andi. So kahit paano, nahahati ‘yung pagiging parent,” paliwanag ni Jake.
Para sa aktor ay sapat na sa kanya na nakakasama at naaalagaan nang personal ang anak sa tuwing mayroong pagkakataon. Ayon kay Jake ay para sa anak ang lahat ng kanyang mga ginagawa ngayon. “Kasi ‘yung setup namin, most of the time she’s with her mom sa Siargao. So parang sine-schedule na lang namin na kapag hindi ako masyadong busy, that’s when she stays with me. Ellie quite naturally is my number one inspiration. Everything is for her. I am doing this for her,” makahulugang pahayag niya.
Samantala, kamakailan ay muling pumirma ng kontrata si Jake sa ABS-CBN. Gusto raw ipagpatuloy ng aktor ang paggawa ng mga proyektong ibinibigay sa kanya ng Kapamilya network. “I’ve always been reluctant sa pagpasok sa industriya. But at the back of my head, gusto ko talagang i-pursue din ‘yung acting. Susundin ko kung ano ang gusto ko, na I want to give it a shot kung para sa akin ba talaga ito,” pagtatapos ng aktor.
Cesar, may paalala sa kanyang Tres Marias
Masaya si Cesar Montano dahil sa pagkakaroon na ng apo kay Diego Loyzaga. Matatandaang naibahagi ni Diego sa Instagram noong June 8 ang larawang karga niya ang anak. May caption itong ‘The best birthday gift ever.’ Excited na raw na makita ni Cesar nang personal ang kanyang bagong apo. “This is not my first time to become a lolo. I still feel very excited. I have two grand kids with my eldest daughter, Angela. I’m also very happy for Diego. I trust him. I know he will be a responsible father. Being a father will surely make him a better person,” pahayag ni Cesar.
Ayon sa aktor ay masayang-masaya rin ngayon si Diego sa pagiging isang ama. “Diego is very excited as a father. I can tell by how animated he gets whenever he tells me stories about the baby. I told him, ‘I will spoil that child.’ She can call me lolo or grandpa. It doesn’t really matter,” kwento niya.
Para naman sa tatlong anak na babae kay Sunshine Cruz ay iba raw ang nararamdaman ni Cesar. Ayon sa aktor ay kinakailangang makapagtapos muna ng pag-aaral bago pa magkaroon ng asawa at magkaroon ng sariling pamilya ang mga ito. “My Tres Marias are still too young to start families of their own. They should all finish school first. All of them are in college now and are consistent honor students. I told them not to put all their efforts to waste. They have to think of ways to constantly level up. I trust my daughters. They have minds of their own. My job as their father is to raise them well, to help them become God-fearing and righteous individuals. I can say I’ve done my part,” pagbabahagi ng aktor. (Reports from JCC)
